വിജയം ജനസേവനത്തിനല്ല, മറിച്ച്‌ ഗ്രൂപ്പ് പോരിനും അധികാര വീതംവെപ്പിനുമുള്ള അവസരമാക്കി കോണ്‍ഗ്രസ് മാറ്റിയെന്ന് പ്രധാനമന്ത്രി നരേന്ദ്ര മോദി.ഒരാളെപ്പോലും ഐക്യകണ്ഠേന കണ്ടെത്താൻ കഴിയാത്ത കോണ്‍ഗ്രസ്, ഓരോ വർഷവും ഓരോ മുഖ്യമന്ത്രി എന്ന ഫോർമുല പരീക്ഷിക്കുന്നതാകും നല്ലതെന്ന് പ്രധാനമന്ത്രി പരിഹസിച്ചു. കർണാടകയില്‍ കണ്ട മുഖ്യമന്ത്രി പദത്തിനായുള്ള നേതാക്കളുടെ പരക്കം പാച്ചില്‍ ഇപ്പോള്‍ കേരളത്തിലും ആവർത്തിക്കുകയാണ്. സ്വന്തം പാർട്ടിക്കാരെയും വോട്ടർമാരെയും വെറും വാഗ്ദാനങ്ങള്‍ നല്‍കി കോണ്‍ഗ്രസ് വഞ്ചിക്കുകയാണെന്നും അദ്ദേഹം കൂട്ടിച്ചേർത്തു.