നേവിയുടെ കരുത്ത് കൂട്ടാൻ രണ്ട് യുദ്ധക്കപ്പലുകളും ഒരു മുങ്ങിക്കപ്പലും ; കമ്മീഷൻ ചെയ്ത് പ്രധാനമന്ത്രി

സമുദ്രത്തിൽ രാജ്യത്തിൻറെ കരുത്ത് കൂട്ടാനായി രണ്ട് യുദ്ധക്കപ്പലുകളും ഒരു മുങ്ങിക്കപ്പലും കമ്മീഷൻ ചെയ്ത് പ്രധാനമന്ത്രി. ഐഎന്‍എസ് സൂറത്ത്, ഐഎന്‍എസ് നീലഗിരി, എന്നീ യുദ്ധക്കപ്പലുകളും ഐഎന്‍സ് വാഗ്ഷീര്‍ എന്ന മുങ്ങിക്കപ്പലുമാണ് രാജ്യത്തിന് സമർപ്പിച്ചത്.സമുദ്ര സുരക്ഷയിൽ ലോകത്തെ നിർണായക ശക്തിയായി ഇന്ത്യമാറിയെന്ന് പ്രധാനമന്ത്രി നരേന്ദ്ര മോദി പറഞ്ഞു.വിശാഖ പട്ടണം ക്ലാസിലെ നാലാമൻ ആണ് INS സൂറത്ത്. ബ്രഹ്മോസ് അടക്കം അത്യാധുനിക ആയുധങ്ങളെല്ലാം ഇതിൽ ഉറപ്പാക്കിയിട്ടുണ്ട്. മുങ്ങിക്കപ്പലുകളെയും, യുദ്ധക്കപ്പലുകളെയും,വ്യോമമാർഗമെത്തുന്ന ശത്രുക്കളെയും മിസൈലുപയോഗിച്ച് തകർക്കാൻ ശേഷിയുള്ള INS സൂറത്ത് ആദ്യ എഐ സാങ്കേതിക വിദ്യ ഉപയോഗിക്കുന്ന യുദ്ധ കപ്പൽ കൂടിയാണ്.