തൃപ്പൂണിത്തുറ ഹില്പാലസ് പോലീസ് അധിക്ഷേപിച്ചെന്ന പരാതിയില് നടി അൻസിബ ഹസൻ മൊഴിനല്കി.ഞായറാഴ്ച രാവിലെ തൃക്കാക്കര എസിപി ഓഫീസിലെത്തിയാണ് അൻസിബ മൊഴി നല്കിയത്.തൃപ്പൂണിത്തുറ വനിതാ സെല് എസ്ഐ രേഷ്മയില് നിന്നും നടി ലക്ഷ്മിപ്രിയയില് നിന്നും നേരിട്ട ദുരനുഭവങ്ങളെക്കുറിച്ച് അൻസിബ മുഖ്യമന്ത്രിക്ക് നല്കിയ പരാതിയിലുള്ള തുടർനടപടിയാണ് ഇത്. ഈ വിഷയത്തില് ലക്ഷ്മിപ്രിയയോട് തിങ്കളാഴ്ച ഹാജരാകാൻ പോലീസ് ആവശ്യപ്പെട്ടിട്ടുണ്ട്.ഏതാനും ദിവസങ്ങള്ക്കുമുൻപാണ് പോലീസ് സ്റ്റേഷനില്വച്ച് താൻ നേരിട്ട ദുരനുഭവങ്ങളെക്കുറിച്ച് അൻസിബ ഹസൻ മുഖ്യമന്ത്രിക്ക് പരാതി നല്കിയത്. ഈ പരാതി പോലീസ് മേധാവിക്ക് കൈമാറുകയും അദ്ദേഹം കൊച്ചി സിറ്റി പോലീസ് കമ്മീഷണർക്ക് കൈമാറിയ ശേഷം തൃക്കാക്കര എസിപിയോട് അന്വേഷിച്ച് റിപ്പോർട്ട് നല്കാനും ആവശ്യപ്പെടുകയായിരുന്നു.ഇതിന്റെ അടിസ്ഥാനത്തിലാണ് അൻസിബ എത്തി മൊഴി നൽകിയത്.