കോട്ടയം പനച്ചിക്കാട് പഞ്ചായത്തിൽ എൽഡിഎഫ് സ്ഥാനാർത്ഥികളായി മത്സരിച്ച സഹോദരങ്ങൾക്ക് തോൽവി. സിപിഐ മുൻ ജില്ലാ സെക്രട്ടറി പി കെ കൃഷ്ണനും, സഹോദരനും മുൻ പഞ്ചായത്ത് പ്രസിഡൻ്റുമായ പി കെ മോഹനനുമാണ് പരാജയം രുചിക്കേണ്ടി വന്നത്.പഞ്ചായത്തിലെ പവ്വർ ഹൗസ് (22) വാർഡിൽ മത്സരിച്ച പി കെ കൃഷ്ണൻ 93 വോട്ടുകൾക്കാണ് യുഡിഎഫ് സ്വതന്ത്രൻ ജയ് പി പോൾ വിജയിച്ചത്. ജയ് പി പോളിന് 452 വോട്ടും, പി കെ കൃഷ്ണന് 359 വോട്ടും ലഭിച്ചു.3 സിറ്റിംഗ് മെമ്പർമാർ തമ്മിൽ തീ പാറും മത്സരം നടന്ന കുഴിമറ്റം വാർഡിൽ യുഡിഎഫിലെ റോയി മാത്യുവാണ് പി കെ മോഹനനെ പരാജയപ്പെടുത്തിയത്. റോയിക്ക് 458 വോട്ടും, മോഹനന് 268 വോട്ടും, ബി ജെ പി സ്ഥാനാർത്ഥി ജയൻ കല്ലുങ്കലിന് 228 വോട്ടും ലഭിച്ചു. ഇവർ മൂന്നു പേരും കഴിഞ്ഞ തവണ മെമ്പർമാരായിരുന്നു.