48,000 റേഷൻ കാർഡുകൾ മരവിപ്പിച്ചേക്കുമെന്ന് ആശങ്ക; എതിർപ്പ് അറിയിക്കാൻ കേരളം

ആറുമാസത്തിനിടെ ഒരു തവണ പോലും റേഷൻ സാധനങ്ങൾ വാങ്ങാത്ത 48,000 കാർഡുകൾ സംസ്ഥാനത്ത് മരവിപ്പിച്ചേക്കുമെന്ന് ആശങ്ക.കേന്ദ്ര സർക്കാരിന്റെ ‘കീം ഫോർ മോഡേൺൈസേഷൻ ആൻഡ് റീഫോംസ് ത്രൂ ടെക്നോളജി ഇൻ പബ്ലിക് ഡിസ്ട്രിബ്യൂഷൻ’ (സ്മാർട്ട് പി.ഡി.എസ്) പദ്ധതി നടപ്പിലാക്കുന്നതിന്റെ ഭാഗമായാണ് ഈ നടപടി. കാർഡിലെ മുഴുവൻ അംഗങ്ങളും 90 ദിവസത്തിനകം റേഷൻ കടകളിലെ ഇ-പോസ് യന്ത്രത്തിൽ ബയോമെട്രിക് ഇ-കെവൈസി നടത്തിയാൽ ഈ കാർഡുകൾ പുനഃസ്ഥാപിക്കും; ഇല്ലെങ്കിൽ റദ്ദാക്കപ്പെടും. ഇതിനെതിരെ കേന്ദ്രത്തിന് കത്തയക്കാൻ മന്ത്രി തല ഉന്നതല യോഗം തീരുമാനിച്ചിട്ടുണ്ട്. മുൻഗണനാ കാർഡുകളായ മഞ്ഞ, പിങ്ക് കാർഡുകൾ റദ്ദാക്കപ്പെട്ടാൽ കേന്ദ്രവിഹിതത്തിൽ അനുപാതികമായി കുറവുണ്ടാകുമെന്ന ആശങ്കയും സംസ്ഥാനത്തിനുണ്ട്. മുൻഗണനാ വിഭാഗത്തിലെ 5,370 മഞ്ഞ കാർഡുകളും, 38,909 പിങ്ക് കാർഡുകളും റേഷൻ വാങ്ങിയിട്ടില്ലെന്നും, ഈ വിഭാഗത്തിലുമായി 66,701 ഗുണഭോക്താക്കളുണ്ടെന്നും കണക്കുകൾ സൂചിപ്പിക്കുന്നു. കൂടാതെ, മുൻഗണനേതര വിഭാഗങ്ങളായ നീല, വെള്ള കാർഡ് ഉടമകളിൽ പലരും ആറു മാസത്തിലേറെയായി റേഷൻ വാങ്ങുന്നില്ലെങ്കിലും ഇവരുടെ വിഹിതം കുറയില്ല. രാജ്യമാകെ 1.58 കോടി ഗുണഭോക്താക്കളുടെ റേഷൻ കാർഡ് മരവിപ്പിക്കുമെന്നാണ് സൂചന.

Leave a Reply

spot_img

Related articles

ഈ വർഷത്തെ ഏറ്റവും താഴ്ന്ന നിലയിലേക്ക് കൂപ്പുകുത്തി സ്വർണ വില

ഈ വർഷത്തെ ഏറ്റവും താഴ്ന്ന നിലയിലേക്ക് കൂപ്പുകുത്തി സ്വർണ വില .22 കാരറ്റ് സ്വർണം ഗ്രാമിന് 255 രൂപയും പവന് ഒറ്റയടിക്ക് 2,040 രൂപയുമാണ്...

പ്രസവ സൗകര്യമുള്ള എല്ലാ ആശുപത്രികളിലും വിദഗ്ധ സേവനം 24 മണിക്കൂറും ഉറപ്പാക്കാൻ തീരുമാനം

സംസ്ഥാനത്തെ പ്രസവ സൗകര്യമുള്ള എല്ലാ ആശുപത്രികളിലും ഡോക്ടർമാർ, അനസ്തീസിയ വിദഗ്ധർ, പരിശീലനം ലഭിച്ച നഴ്‌സുമാർ എന്നിവരുടെ സേവനം 24 മണിക്കൂറും ഉറപ്പാക്കാൻ തീരുമാനം.മാതൃ-ശിശു മരണങ്ങൾ...

സ്വർണവില വീണ്ടും കുറഞ്ഞു; പവന് 560 രൂപയുടെ ഇടിവ്, ഏഴുമാസത്തിനുശേഷം ഒരു ലക്ഷം രൂപയ്ക്ക് താഴെ

സംസ്ഥാനത്ത് സ്വർണവിലയിൽ വീണ്ടും ഇടിവ്. ഇന്ന് 22 കാരറ്റ് സ്വർണത്തിന് ഗ്രാമിന് 70 രൂപയും പവന് 560 രൂപയുമാണ് കുറഞ്ഞത്. ഇതോടെ ഒരു പവൻ...

സ്വന്തം ഫോൺ നമ്പർ ആര് കാണണം എന്നിനി തീരുമാനിക്കാം; വാട്സ്ആപ്പിൽ പുതിയ ഫീച്ചർ

ഉപയോക്താവിന്‍റെ ഫോൺ നമ്പറിന്‍റെ സ്വകാര്യത ശക്തമാക്കുന്ന വിധത്തിൽ കൂടുതൽ നിയന്ത്രണം നൽകുന്ന പുത്തൻ ഫീച്ചർ അവതരിപ്പിക്കാനൊരുങ്ങി വാട്സ്ആപ്പ്. സ്വന്തം ഫോൺ നമ്പർ ആർക്കൊക്കെ കാണാനാകുമെന്ന്...