കോട്ടയം നഗരസഭയുടെ 20 വർഷത്തെ കണക്കുകളില്‍ പൊരുത്തക്കേട് എന്ന് കണ്ടെത്തൽ. മുനിസിപ്പല്‍ ഡയറക്ടറേറ്റ് ഓഫ് വിജിലൻസ് നടത്തിയ പരിശോധനയിൽ ആണ് ഇത് കണ്ടെത്തിയത്.
പരിശോധനയില്‍ കണ്ടെത്തിയ 211 കോടി രൂപയുടെ ക്രമക്കേട് നടന്നതായി റിപ്പോർട്ട് ഉണ്ട്.തനത് ഫണ്ടില്‍ വിവിധ ബാങ്കുകളില്‍ നിക്ഷേപിക്കേണ്ട തുകയാണ് കാണാതായത്. നിലവില്‍ പുറത്ത് വന്ന പരിശോധന റിപ്പോർട്ടിൻ മേല്‍ തദ്ദേശ വകുപ്പിന്‍റെ അന്വേഷണം നടക്കുകയാണ്.
ചെക്ക് ആൻഡ് ഡ്രാഫ്റ്റ് രജിസ്റ്റർ സൂക്ഷിക്കുന്നില്ല.ബാങ്കുകളിലേ റീ കണ്‍സിലിയേഷൻ സമയബന്ധിതമായി പൂർത്തിയാക്കിയിട്ടില്ല.നഗരസഭയുടെ വിവിധ ബാങ്ക് അക്കൗണ്ടുകളില്‍ നെഗറ്റീവ് ബാലൻസ് കണ്ടെത്തി. അക്കൗണ്ട് സംബന്ധമായ ദൈനംദിന പ്രവർത്തനങ്ങള്‍ നടത്തുന്നത് വേണ്ടത്ര പരിചയമോ പരിശീലനമോ ഇല്ലാത്ത ക്ലറിക്കല്‍ ജീവനക്കാരാണ്
നഗരസഭ അധികൃതർ പരിശോധനയോട് സഹകരിച്ചില്ലെന്നും ആക്ഷേപമുണ്ട്. പരിശോധനയ്ക്ക് എത്തിയ ഉദ്യോഗസ്ഥർ ആവശ്യപ്പെട്ട രേഖകള്‍ കൈമാറിയില്ല.അക്കൗണ്ട്സ് കൈകാര്യം ചെയ്ത ഉദ്യോഗസ്ഥരുടെ വിവരങ്ങളും കൈമാറിയില്ല. മുമ്പ് നഗരസഭയില്‍ പെൻഷൻ തട്ടിപ്പ് നടത്തിയ കേസിലെ പ്രതി ഇപ്പോഴും ഒളിവില്‍ കഴിയുകയാണ് .