ദേശീയ പണിമുടക്കിന് ആഹ്വാനംചെയ്ത് എസ്ബിഐ എംപ്ലോയീസ് ഫെഡറേഷൻ (ബെഫി). സ്ഥിരംജോലികള്ക്കു പുറംകരാർ നല്കരുത്, അർഹതയുള്ള താത്കാലിക ജീവനക്കാരെ സ്ഥിരപ്പെടുത്തുക, സ്വകാര്യവത്കരണനീക്കം ഉപേക്ഷിക്കുക തുടങ്ങിയ ആവശ്യങ്ങള് ഉന്നയിച്ച് 25, 26 തീയതികളിലാണു പണിമുടക്ക് നടത്തുന്നത്.നിലവില് 2.30 ലക്ഷം ജീവനക്കാരുള്ള ബാങ്കില് ഒന്നേകാല് ലക്ഷം ജീവനക്കാരും കരാർജീവനക്കാരാണ്. ഹൗസ് കീപ്പിംഗ്, മെസഞ്ചർ, സെക്യൂരിറ്റി തുടങ്ങിയ തസ്തികകളില് വർഷങ്ങളായി സ്ഥിരംനിയമനങ്ങള് നിർത്തിവച്ചിരിക്കുകയാണ്. ക്ലെറിക്കല് വിഭാഗത്തില്പോലും നിയമനങ്ങള് നാമമാത്രമാണ്. ഈ ഒഴിവുകളില് ഉടനടി സ്ഥിരനിയമനം നടത്തണമെന്നും അർഹതയുള്ള താത്കാലിക ജീവനക്കാരെ സ്ഥിരപ്പെടുത്തണമെന്നും ഭാരവാഹികൾ പറഞ്ഞു.