ഐ എസ് റിക്രൂട്ട്മെന്റ് കേസിൽ കുറ്റക്കാരായി കണ്ടെത്തിയ പ്രതികൾക്കുള്ള ശിക്ഷാ വിധി ഇന്ന്. കൊച്ചി എൻ ഐ എ കോടതി ഇന്ന് വിധി പ്രഖ്യാപിക്കും. കേരളം, തമിഴ്നാട് എന്നിവിടങ്ങളിൽ നിന്ന് ഐ എസിലേക്ക് റിക്രൂട്ട്മെന്റിന് ശ്രമിച്ച കേസിൽ പ്രതികളായ മുഹമ്മദ് അസ്ഹറുദ്ദീൻ, ഷെയ്ക് ഹിദായത്തുള്ള എന്നിവർ കുറ്റക്കാരാണെന്ന് കോടതി കണ്ടെത്തിയിരുന്നു. ഇരുവരും കോയമ്പത്തൂർ സ്വദേശികളാണ്. ഐ എസിലേക്ക് പോകുന്നതിനായി സമൂഹമാധ്യമത്തിലൂടെ പരിശീലനം നൽകിയെന്നാണ് 2019ൽ രജിസ്റ്റർ ചെയ്ത കേസിൽ എൻ ഐ എയുടെ കണ്ടെത്തൽ. പ്രതികൾക്കെതിരെ ചുമത്തിയ യു എ പി എ, ക്രിമിനൽ ഗൂഢാലോചന തുടങ്ങിയ വകുപ്പുകൾ പ്രകാരമുള്ള കുറ്റങ്ങൾ തെളിയിക്കാൻ പ്രോസിക്യൂഷന് കഴിഞ്ഞുവെന്ന് കോടതി വ്യക്തമാക്കിയിരുന്നു.