123-ാമത് കുമരകം വള്ളംകളി പ്രവർത്തനോദ്ഘാടനം 14-ന് സ്പീക്കർ തിരുവഞ്ചൂർ രാധാകൃഷ്ണൻ നിർവഹിക്കും.ശ്രീനാരായണ ഗുരു ശ്രീകുമാരമംഗലം ക്ഷേത്ര വിഗ്രഹ പ്രതിഷ്ഠയ്ക്കായി കുമരകം സന്ദർശിച്ചതിന്റെ ഓർമ്മയ്ക്കായി ശ്രീനാരായണ ജയന്തി പബ്ലിക് ബോട്ട് റേസ് ക്ലബ് സംഘടിപ്പിക്കുന്ന 123-ാമത് കുമരകം മത്സരവള്ളംകളിയുടെ പ്രവർത്തനോദ്ഘാടനം ജൂൺ 14 ന് രാവിലെ 9.30-ന് ക്ലബ് മിനി ഓഡിറ്റോറിയത്തിൽ നടക്കും. കേരള നിയമസഭാ സ്പീക്കർ തിരുവഞ്ചൂർ രാധാകൃഷ്ണൻ ഉദ്ഘാടനം നിർവഹിക്കും. ക്ലബ് പ്രസിഡന്റ് അഡ്വക്കേറ്റ് വി.പി. അശോകൻ അധ്യക്ഷത വഹിക്കുന്ന സമ്മേളനത്തിൽ ഏറ്റുമാനൂർ എം.എൽ.എ. നാട്ടകം സുരേഷ് ആദ്യ സംഭാവന പി. വിജയൻ പുറത്തേച്ചിറയിൽനിന്ന് സ്വീകരിക്കും. ഓഗസ്റ്റ് 28-നാണ് കോട്ടത്തോട്ടിൽ വള്ളംകളി നടക്കുന്നത്.
ചടങ്ങിൽ ജില്ലാ പഞ്ചായത്ത് അംഗം പി.കെ. വൈശാഖ്, കുമരകം ഗ്രാമപഞ്ചായത്ത് പ്രസിഡന്റ് എ.പി. ഗോപി, എസ്.കെ.എം. ദേവസ്വം പ്രസിഡന്റ് എ.കെ. ജയപ്രകാശ്, ഗ്രാമപഞ്ചായത്ത് വൈസ് പ്രസിഡന്റ് രമ്യാ ഷിജോ, ബ്ലോക്ക് പഞ്ചായത്ത് അംഗം അഡ്വക്കേറ്റ് അലൻ കുര്യാക്കോസ് മാത്യു എന്നിവർ പങ്കെടുക്കും. ഗ്രാമപഞ്ചായത്ത് അംഗങ്ങളായ കെ.എസ്. സലിമോൻ, സീമാ ദിലീപ്, കെ.ജി. ബിനു, ബാങ്ക് പ്രസിഡന്റുമാരായ കെ. കേശവൻ, പി.വി. എബ്രഹാം, കെ.ജെ. കുഞ്ഞുമോൻ, ക്ലബ് ജനറൽ സെക്രട്ടറി എസ്.ഡി. പ്രേംജി, ട്രഷറർ എസ്.വി. സുരേഷ്കുമാർ എന്നിവരും സംസാരിക്കും.